منوعات

أمثال سوريه قديمة ..هل مازلت ترددها؟

الحَماية يلي بتحب الكنة إلها كرسي بالجنة ..

الحَماية يلي بتحب الصهر عجبة من عجايب الدهر ..

دلل حماتك و كساب ودها أحسن ما تفتحلك طاقة ما تقدر تسدها..

لو بدي اصرف من كيسي ما بسميك عريسي

حطو الجمل جنب القبة و قالولو مالك حردبة

عاشر الغني بيغنيك و عاشر الجربان بيعديك

كل ما فتح جزدانو بترجف سيقانو

وقت الشغل بتقول مريضه ووقت الاكل بتقول وين معلقتي العريضه

خبزة وجبنة بهدوء ولا عزيمة مطنطنة وشم ولا تدوء

ربك رب العطا بيعطي البرد على قد الغطا

قال الجمل لو شاف حردبتو لوقع و انكسرت رقبتو

لولا الحسد والظنة كانو كل الناس دخلو الجنة

قلل ناسك بيرتاح رأسك

لولا النسيان ما ضحك إنسان

كل شي بالسيف الا المحبة بالكيف

اذا غلي عليك الضاني مَيِّل على الحمصاني

الدنيا متل النَوَرية بترقص لكل واحد شوية

سبع صنايع والبخت ضايع

حبيته وداريته ولما اعتزته ما لقيته

لما السعد يواتي بيخلي الأعمى ساعاتي

البصلة عيرت التومة وقالتلا ريحتك خلتني مزكومة

اللي بيتكل ع زاد غيره بيطول جوعه وليله

لاتستعيري من الجارة والخضري براس الحارة

طبخة الشطاطة مفركة بطاطا

عزيمة بدون كبة متل جامع بلا قبة

وقت بتنتهي المصالح بيصير الحلو مالح

ياحماتي لاتقولي عني شرنة ما انتِ كنتِ قبلي كنة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى