بهالبردات دوبو الواحد عم يعرف يحكي.. ببلش نهارو بعراك ما بين رغباتو وحاجاتو .. رغباتو بالنوم لأنو وقت البرد بالذات بصير التخت مغناطيس رباعي الأقطاب .. وحاجاتو بأنو لازم يشتغل ليعيش ..وحاجاتو مشان يحفظ كرامتو وما تتصل فيه ال اتش آر وتبلش وينك واستنفذت اجازاتك والخ الخ بخلص من هالموضوع بانتصار المي ع وشو طبعا .. وهو عم يحاول جاهدا أنو يضل جزء من وشو نايم وما يصحصح عالأخير .. أملا بأنو يكرج من البيت ويتوفق بشي تكسي ابن حلال أو حتى ميكرو لك اي شي بيمشي ع اربعة وبيرد هالبرد بيطلع فيه .. وطبعا متل ما منعرف حظنا أجمعين ك سوريين بيخلينا نزنطر وبصير في قحط بالشارع من ورانا .. وآخر إلا ما ربك يفرجها وتلحس حالك لحش بشي مكان فإذا حدا منكن مبلش نهارو هيك شو متوقعين منو يوصل ع شغلو ويقول ؟ قال شو وفي ناس بتقلك البرد رومنسي .. اي انسى وانسي مافي أحلى من الاعتدال… لك حتى أميركا بتحب الاعتدال .. قولتكن امريكا فيها ترشي الجو .. أو فينا نقنع الجو يعتدل مشان أمريكا تمولو ؟
قسم البرامج _ وطن اف ام
