غربة

 غربة .. وغريب .. يابانجي ..أنا مو من هون .. أنا من هنيك ..بدي دوّر ع بيت ..ما عم اقدر لاقي شغل ..بدي فيزا لأقدر شوف إمي وارجع ..بدي سنة لغة اذا بدي اتعلم بالجامعة .. بدي ترجمان ع خصري وين مارحت ..البياع بحياتو مارح يحفظني ..تخيلو انو قد ما مرقت بالحارة مارح يسلّم عليي ..عادي أنك تضيّع الطريق وتخاف ..عادي أنك تبكي عالسكت بدون ماحدا يدرى فيك ..ما إنت أصلا غريب ..وكل يوم بمر بهالغربة .. منتأكد أكتر وأكتر أنو بلدنا هو الأصل ..أنو سوريا هي الأمان ..أنو نحنا بحاجتها .. يلي مفكر حالو نسيها ..أنا بقلك مارح تقدر ..بتنسانا الحياة اذا نسيناها ..نحنا مافينا نكره سوريا .. ولهيك كل يوم صبح ومسا لازم نقلها ونحاول نشتغل أنو نثبتلا حبها الي بقلوبنا