الكلمة الحلوة طالعة والبشعة طالعة ..هيك كانو يقولو جدودنا ..وبعدهن عم يقولوها ..وشو ظريف نحنا نعتمدها مو بس نحكيها ..يكون كلامنا كلو حلا ..نمسك مفردات اللغة كلها ونفردها ع طاولة الحياة .. نفرزها .. نجيب الكلمة الحلوة ونعلقها ع باب تمنا و نشكلها بقلبنا .. ووقت بدنا نحكي تهفّ منّا نسمات ..تقتل برد وتهجير وجوع وحروب ..خلو الكلام البشع هو الي يغرق بالبحر .. وينجا السوري منو
كلو بالتدريب بصير ويلي بمارس غلب الفارس .. ونحنا السوريين فرسان بالأخلاق والحب والنبل صفة فينا موروثة
الزمان جار علينا وبعدنا عن اصلنا .. وهي مو أول مرة بيعملها فينا زمنّا ..فلاتنسو دايما إنو انتصاراتنا عالزمن كانت بطيبة أصلنا وحلاوة وفصاحة لسانا .. الكلمة الحلوة دوا واليوم ياسوريين كلنا مرضانين.
قسم البرامج _ وطن اف ام
