هاجمت الممثلة السورية المناصرة للثورة السورية “سوسن أرشيد”، الفنانين الموالين لنظام الأسد ووصفتهم بـ “مهرجي القصر والمهللين للطغاة والغزاة”، وذلك في رد منها على حلقة من مسلسل “كونتاك” الذي أنتجه ومثله فنانون موالون وسخروا فيه من ضحايا مجازر قوات الأسد الكيماوية ضد المدنيين.
وكتبت “أرشيد” زوجة الممثل السوري مكسيم خليل في صفحتها على فيسبوك: “ما بستغرب من ممثلين مقضيين وقتهون عم يهرجوا لشركات الانتاج وللدولة ويلي فوق ويلي تحت ويلي بالنص ليحصلوا على دور او شبه دور إنّو يبيضوا صفحة النظام ويدعسوا على جثث الاطفال يلي ماتوا قدّام اهاليهون وهنن عم يختنقوا من كيماوي قائدكون وجيشو وطيرانه”.
وأضافت سوسن أرشيد: “مابستغرب تعملوا اي شي لتضلوا تشاركو بهالمهزلة العظيمة يلي مسمينها دراما بس بحب تعرفوا إنّو حتى بأحلامكون مارح تحلموا تمرقوا من جنبهاللريد كاربت بهوليود انتوا كتير عليكون تمشوا وراسكون بالأرض وفوقوا البسطار للأبد للأبد في شوارع سجنكون الكبير تحت السقف يلي حددولكون ياه وتهللو للطغاة وللغزاة يامهرجين القصر وسيكتب التاريخ إنّو في ممثلين كرمال أجر بلوحة باعوا دم أهلهون وناسهون”.
وختمت حديثها: “السلام لأرواح الأطفال والسوريين يلي رحلوا من أجل الحرية والكرامة، والسلام لأصحاب الخوذ البيضاء يلي حطّوا قلوبهون على ايدهون لينقذوا ماأمكن انقاذه ولا تآخذونا لما فعل السفهاء منّا”.
يشار إلى ان الحلقة سخرت من ضحايا مجازر الكيماوي في سوريا، وأظهرت الدفاع المدني على أنهم يقومون بتمثيلية ويصورون امرأة تبكي أولادها، في مشاهد لافت انتقاداً كبيراً من السوريين بعد سخرية فناني الأسد من الضحايا.
