بهالحلقة من صباحك وطن كان هاشتاغنا عن الشقراوات السوريات
أغلب الشعب السوري عنده ثقافة إنه ” الشقرا وعيونها زرق” هي رمز الجمال برأيكن من وين مصدر هالموروث ؟!
هل لأنه سكان سوريا هنن سمر بالأصل فـ بيحبو الشقراوات المختلفات ؟
أم إنّه الشعب لقى شي يتفق عليه وبس
بـ #طب_بديل ضيفنا الدكتور كامل توما رح يحكيلنا عن سحب العصب وعن أشياء لازم نعرفها لمّا نروح عن طبيب أسنان
وبرج الحمام رح يحكي عن صفاتنا حسب الشهر يلي وُلِدنا فيه
ومواضيع كتيرة تعرفنا عليها نحنا وإنتو بساعتين زمن
قسم البرامج / وطن اف ام
