حياتنا اليوم بالمختصر .. وينك .. ايمتى بدنا نشوفك ..هلأ قوم شوفك ..لا بكرا شو رأيك .. ما بتلحق .. ليش رئيس وزراء .. لا معلّم مسافر
بهالبساطة .. كلّو مسافرمن كل مكان .. وما حدا بقيان بولا مكان ..السويد هولندا بولندا تركيا بلغاريا هنغاريا جزر الكناري ..لك دوار شمالي .. بس شمالي كتير عرفتو أنو صرنا شغل القطب الشمالي.. ماعاد الواحد فيناا صار يعرف صداقات ..وصار شرط مسبق أنو معلّم بقيان هون .؟ ولا مسافر .. لحتى يعرف الواحد يصاحبك ولا لأ
وحددلنا اذا طالع طالع بالبحر ؟ بالبلم .. بالقارب ؟ ولّا بالسفينة .. لنعرف لح تصير رفيقنا الغرقان بعد فترة ولا لأ؟؟ لأنو مو ناقصنا أوجاع
لك حتى الي قاعد بمكانو عم يسافر بخيالو .. كنا نحنا وبالبلد نقول بس بدنا نطلع ..ولما اطلعنا ماعاج في مكان يحيونا أو يعجبنا .. وصباحك ياسوري
قسم البرامج _ وطن اف ام
