عنا انتماء لسوريتنا

بس ياترى سوريا شو فيها ؟

لا مو صح هيك السؤال نحنا شو إلنا فيها ؟ رح تتذذكرو كتير تفاصيل .. بس هي كلها مشاعر ما بتفيد .. ح تقلّي بيت سيارة ؟ قبر؟ كلو راح واذا ماراح لح يروح 

فكر ياصديقي السوري انك اليوم مانك قادر تعيش فيها ..وفكر كمان أنو مافيك ترجع لتعيش فيها .. فكر أنو اذا خلص بسبورك جوازك العظيم راحت عليك وفتت بكابوس السفارات الغبية تبع بلدنا العظيم
فكر أنو هويتك ما بتفيد بشي .. إنو مافي دولة وراك .. لك اذا حدا بيقتلك ماحدا بطالب فيك
مشرد هون وهون .. وكلو عم يلحشك من مكان لمكان ..
شو مناسبة هزة البدن عالصبح ؟؟ مناسبتا أنك لازم تدور بقى ع مستقبلك وتبني حالك
اذا فيك وكتار الي فين يعملو شغل وبيت وعيلة لا توقف ..ياسوري إنت سوريا وكل هالوطنيات البعثية لاحق عليها وبتصير ع مهلا .. المهم انت .. خلونا نفعّل الأنا بقى
الأنانية البشعة حلها تخلص …ونبلش بالأنا الصح وصباحك ياسوري

قسم البرامج _ وطن اف ام