صباح جدودنا يلي مشرشين بالأرض .. صباح شراويلهن والكسرية وصباح الطربوش ..صباح العيب وزورة الحاجب ..صباح تجاعيد وجوه كل وحدة منهن بتحكي قصص.. عن البلد والولد والأرض
بغربتنا وأيامنا لليوم .. مالنا غيرهن .. قصصهن ..نهفاتهن .. نكتهن الي قد ما سمعناها بتضحكنا .. أحيانا أساطيرهن يلي بيحلفو أنها صارت .. عايشين كانو .. أو سبقونا عالسما
الجدود بيضلو أصالتنا .. مالنا متلهن وما بصير نكون .. يعني لازم نتطوّر بس بنفس الوقت لازم ناخد خيط الأصالة ونخيّط منو توب يدفينا ويحمينا من برد الحرب وخوف بكرا
صباحكن أصيل ..
قسم البرامج _ وطن اف ام
